( आरोपीवर देशद्रोहाचा गुन्हा दाखल करून त्वरित अटक करण्याची केली मागणी )
नंदगाव ( शाम नागिले ): भारत देशाच्या सर्वोच्च न्यायालयाचे सरन्यायाधीश भूषण गवई यांच्याकडे पायातील बूट भिरकावून त्यांच्यावर भ्याड हल्ला करण्याचा प्रयत्न करणाऱ्या जातीयवादी, सनातनी, मनुवादी नराधम राकेश किशोर यांच्यावर देशद्रोहाचा गुन्हा दाखल करावा व त्यास त्वरित अटक करावी अशी मागणी करून त्या नराधमाचा नळदुर्ग येथे दलित पॅथर धाराशिवच्या वतीने काळ्या फिती लावून जाहीर निषेध करून त्याच्यावर देशद्रोही चा गुन्हा दाखल करण्याची केली मागणी.
या बाबत सविस्तर व्रत असे की दलित पॅथरच्या वतीने अप्पर तहसील कार्यालय नळदुर्गचे अप्पर तहसिलदार यांना देण्यात आलेल्या लेखी निवेदनात आहे की नुकतच दिल्ली येथे सर्वोच्च न्यायालयातील न्याय दालनात जाऊन जातीयवादी सनातनी मनुवादी नराधम राकेश किशोर यांनी सर्वोच्च न्यायालयाचे सरन्यायाधीश भुषण गवई यांच्यावर बुट भिरकावून भ्याड हल्ला करण्याचा प्रयत्न केला असून त्या भ्याड हल्ला करणाचा प्रयत्न करणाऱ्या नराधमाचा दलित पॅथरच्या वतीने जाहीर निषेध करण्यात येत असून हा निंदनीय प्रकार म्हणजेच देशाच्या लोकशाहीवर देशाच्या न्यायव्यवस्थेवर हल्ला करण्याचा प्रयत्न असून या हल्लेखोर प्रवृत्तीच्या नराधमावर देशद्रोहाचा गुन्हा दाखल करावा अशी मागणी करण्यात आली आहे. सदर निवेदनाची एक प्रत नळदुर्ग पोलीस ठाण्याचे पोलीस निरीक्षक यांच्याकडेही देण्यात आली आहे.
दलित पॅथरच्या वतीने देण्यात आलेल्या निवेदनावर दलित पॅंथरचे धाराशिव जिल्हा संपर्क प्रमुख शामकांत नागिले, दलित पॅथर शाखा प्रमुख विशाल मुकदान, रिपाइंचे जिल्हा सचिव एस.के.गायकवाड जिल्हा उपाध्यक्ष बाबासाहेब बनसोडे,रिपाइं तुळजापूर तालुका अध्यक्ष अरुण लोखंडे,नळदुर्ग शहराध्यक्ष मारुती खारवे,लहुजी शक्ती सेनेचे प्रदेश उपाध्यक्ष शिवाजी गायकवाड, ,रिपाइं तालूका उपाध्यक्ष महादेव कांबळे, रिपाइं अल्पसंख्याक आघाडीचे तालुका अध्यक्ष बाशिदभाई कुरेशी,रिपाइं,नळदुर्ग सर्कल प्रमुख राजेंद्र शिंदे,ज्येष्ठ कार्यकर्ते कैलास गवळी गुरुजी,दत्ता कांबळे,जयभिम वाघमारे,धर्मराज देडे, प्रकाश बनसोडे, पप्पू गायकवाड,बाबासाहेब कांबळे अतुल बनसोडे,पत्रकार ईरफान काझी, सह असंख्य कार्यकर्त्यांच्या सह्या आहेत.
